ДОНИШГОҲИ АГРАРИИ ТОҶИКИСТОН БА НОМИ ШИРИНШОҲ ШОҲТЕМУР

Хабар

Вохӯри бо намояндагони шуъбаи минтақавии Донишкадаи байналмилалии идоракунии об дар Осиёи Марказӣ

          Имрӯз дар пойгоҳи донишгоҳ  вохӯри бо  намояндагони шуъбаи минтақавии Донишкадаи байналмилалии идоракунии об дар Осиёи Марказӣ, ки соли 2001 дар шаҳри Тошкенти   Ҷумҳурии Узбекистон барои ҳалли масъалаҳои минтақавӣ  ва  гузаронидани  корҳои илмӣ-амалӣ вобаста ба  масъалаҳои муҳими  об дар Осиёи Марказӣ  ташкил дода шудааст, баргузор гардид. Намояндагони шуъба оид ба фаъолияти худ  дар самти барқароркунии хокҳои шӯр ва ботлоқшуда,  пайваст будани об, энергетика ва озуқаворӣ, танзими норасоии сарчашмаҳои об дар Осиёи Марказӣ, бахусус Ҷумҳуриҳои Узбекистон, Туркменистон ва Тоҷикистон,  баландбардоштани маҳсулнокӣ ва ҳосилнокии  зироатҳои хоҷагии қишлоқ, роҳҳои ҳалли мушкилоти хоҷагидорон  аз норасоии об қайд намуданд.  Иброз намуданд, ки мо дар оянда ҳамкориҳои қавиро дар самти мазкур бо ДАТ ба номи Ш. Шоҳтемур ба роҳ монда, ҷалби мутахассисони соҳаро барои ҳамкорӣ дар доираи лоиҳаҳое, ки бо дастгирии ташкилотҳои байналмилалӣ маблағгузорӣ мегардад, барои мустаҳкам кардани базаи моддию техникии донишгоҳ ба роҳ монем.

      Ректори донишгоҳ, профессор Салимзода Амонулло Файзулло низ оид ба фаъолияти олимони соҳа дар ҳалли  мушкилоти имрӯзаи об  вобаста ба ивазшавии иқлим дар сайёра, тайёр намудани мутахассисони баландпояи ба бозори ҷаҳонӣ ҷавобгӯ ибрози ақида намуданд. Меҳмононро бовари кунониданд, ки ҳайати профессорону омӯзгорони донишгоҳ омодаанд дар ҳали масълаҳои мӯбрами рӯз бо Шумо ҳамкорӣ намуда, донишҷӯёну магистрони донишгоҳро бошад дар доираи лоиҳаҳои фаъолдиятнамудаи Шумо дар вилояти Суғд ҷалб намоянд.  

    

 

 

 

 

Идоракунии самараноки захираҳои об - кафолати рушди устувори кишоварзӣ

21-уми апрели соли 2018, соати 10:00 дар Донишгоҳи аграрии Тоҷикистон ба номи Шириншоҳ Шоҳтемур Конференсияи илмӣ-амалии ҷумҳуриявӣ дар мавзӯи «Идоракунии самараноки захираҳои об - кафолати рушди устувори кишоварзӣ» бахшида ба Даҳсолаи байналмилалии амал «Об барои рушди устувор, 2018-2028» баргузор мегардад.

Муфассал

Наврӯз мужда аз баҳор ва файзу баракати рӯзгор аст

17 марти соли ҷорӣ Донишгоҳи аграрии Тоҷикистон ба номи Шириншоҳ Шоҳтемур қабои идона ба бар карда буд, шиору навиштаҳо, садои созу наво, даста-даста бо либосҳои идона ба базмгоҳ воридшавии ҷавонону гулдухтарон, ба атрофу акноф паҳншавии бӯйи муаттари ниҳолони пургули навшукуфта аз таҷлили иди Наврӯзи байналмилалӣ мужда медод. Идкунандагон баҳри дар сатҳи баланд гузаштани ҷашни байналмилалии Наврӯз тайёрӣ медиданд.

Муфассал

Мо – ҷавонон пайрави Пешвои миллатем

Санаи 10.02.2017 дар Донишгоҳи аграрии Тоҷикистон ба номи Шириншоҳ Шоҳтемур аксияи донишгоҳӣ, таҳти унвони «Мо – ҷавонон пайрави Пешвои миллатем», бахшида ба соли ҷавонон,  бо иштироки зиёда аз 700 – нафар донишҷӯ баргузор гардид.

Муфассал

Нақши зан дар эҳёи ҳунарҳои мардумӣ

23 апрели соли ҷорӣ дар Донишгоҳ озмун таҳти унвони “Нақши зан дар эҳёи ҳунарҳои мардумӣ” бахшида ба Соли рушди сайёҳӣ ва ҳунарҳои мардумӣ доир гардид. Дар раванди озмун Сафармоҳ Абдуллоева -намояндаи Кумитаи кор бо занон ва оилаи назди Ҳукумати Ҷумҳурии Тоҷикистон, Шарипова Наргис Достиевна- сардори Раёсати кор бо занон ва оилаи назди Ҳукумати шаҳри Душанбе, Мухбираи Аюбӣ - раиси бахши занони Мақомоти иҷроияи ҳокимияти давлатии ноҳияи И.Сомонӣ иштирок варзида ба маҳорати донишҷӯдухтарони ҳунарманд баҳогузорӣ карданд.

Муфассал