Донишгоҳи аграрии Тоҷикистон
ба номи Шириншоҳ Шоҳтемур

Кафедраи "Зироаткорӣ ва истеҳсоли хӯроки чорво"

 

ҚОДИРОВ Қобилҷон Ғафурович,

мудири кафедраи зироаткорӣ ва истеҳсоли хӯроки чорво, доктори илмҳои кишоварзӣ, профессор

Яке аз куҳантарин кафедраҳои донишгоҳ буда, соли 1931 баробари таъсисёбии ДАТ ба номи Ш.Шоҳтемур ташкил шудааст. Аввалин сарвари кафедра дотсент Назаркин В.В. (1931-1937) буда, минбаъд Иванов В.Н. (1937-1947) ва олимони шинохта мисли Горбунов А.И., Қаюмов Г.К., Кабаев В.Е., Нурматов А.Н., Эргашев Р.Э., Ҳомидова И.Ҷ., профессорон Сардоров М.Н., Литвинов В.Н., Валиев А.В., Норов М.С. вазифаи сарварии кафедраро бар ӯҳда доштанд. Аз соли 2010 то кунун ин вазифаро профессор Қодиров Қ.Ғ.  иҷро менамояд.

Дар солҳои гуногун олимони шинохтае, мисли Қурбонов А., Шредер Р.Н., Мокин Н.М, Уклонская А.В., Матов А.Н., Муратов В.Х., Эргашев Р.Э., Фозилова Т.Б., Гулмамедова Н.К., Ҳотамов М.Т., Раҳимов Ҳ., Нуров Ш. дар кафедра фаъолияти илмиву омӯзгорӣ кардаанд.

Ҳоло дар кафедра профессорон Қодиров Қ.Ғ., Сардоров М.Н., Норов М.С., Нурматов А.Н., дотсентон Раҳматов А.Ҳ., Абдурашидова И.Ҷ., омӯзгорон Аламуратов Б.Б., Мустафоқулова М.О. ва Давлатов С. фаъолияти илмию омӯзгорӣ доранд. Устодони кафедра аз рӯи 7 фан ба донишҷӯёни тахассусҳои гуногун таълим медиҳанд.

Кафедра барои омода намудани ихтисоси 740201-"Агрономӣ», 74020101-"Марғзорпарварӣ (чарогоҳпарварварӣ)" ва 740201-2501-«Агрономӣ, иқтисодчӣ, менеҷмент» махсус гардонида шудааст. Дорои 1 санҷишгоҳ буда, бо лавозимоти таълимӣ таҷҳизонида шудаанд.

Олимони кафедра тӯли солҳои охир дар мавзӯи «Системаи коркарди асосӣ ва пеш аз кишти хок дар киштзори зироатҳои равғандиҳанда” кори илмӣ анҷом дода, 5 монография, 3 китоби дарсӣ, 7 дастури услубӣ, 80 мақолаи илмӣ, 6 тавсиянома рӯи чоп овардаанд. Ҳамчунин аз рӯи корҳои илмии хеш соҳиби 5 шаҳодатномаи муаллифӣ гардидаанд. Олимони кафедра яке аз муаллифони навъи тезпазаки ҷави «Ифтихор-86», ҷуворимаккаи «Шӯҳрат», чормағзи заминии «Тоҷикистон-10», «Тоҷикистон-15», маҳсари «Шифо», кунҷити «Шаҳноза», зағири «Ҳисор-10», сули «Тоҷики-70», қатраборони “Зиддӣ”, юнучқаи “Вахш-300” мебошанд.