Кафедраи математикаи олӣ

РАҲМОНОВ  Холиқназар Боқиевич, 
мудири кафедраи математикаи олӣ, номзади илмҳои физика ва математика, дотсент

Кафедраи Математикаи олӣ соли 1931 ташкил шудааст. Дар он солҳо кафедра фанҳои зеринро дарбар мегирифт: математикаи олӣ, физика, метрология, агрометрология, геодезия, механика, геометрияи тасвирӣ ва нақшакашӣ.

Дар айни замон мудири кафедра  номзади илмҳои физика-математика, дотсент  Раҳмонов Х.Б. мебошад.

Устодони кафедра аз фанни математикаи олӣ дар ҳамаи факултетҳои Донишгоҳ дарс мегузаранд.   Бо роҳбарии мудири кафедра  Раҳмонов Х.Б. устодони кафедра оиди мавзуҳои «Баъзе масъалаҳои динамикаи чандирӣ-пластикии пластинаҳо»,  «Усулҳои хаттии суммаронии қаторҳои Фуре» ва  «Тасвири интегралӣ ва тадқиқи масъалаҳои канорӣ барои як синфи муодилаҳои дифференсиалии таназзулёбандаи ҷинси ду» тадқиқот мебаранд, ва оиди ин мавзӯҳо маколаҳо чоп менамоянд.

Дар кафедра «Ҷамъияти илмии донишҷӯён» амал менамояд, ки дар он донишҷӯёни беҳтарини Донишгоҳ бо маърӯзаҳо баромад менамоянд ва дар олимпиадаҳои донишгоҳӣ, шаҳрӣ ва умумиҷумҳуриявӣ иштирок менамоянд.Аз ҷониби устодони кафедра якчанд китобҳои дарсӣ ва дастурамалҳо нашр карда шудааст.

Кафедра бо факултети механика-математикаи  ДМТ, факултети математикаи  ДДОТ ба номи С Айнӣ, кафедраи математикаи олии ДТТ ба номи академик М.С.Осимӣ, Институти математикаи Академияи илмҳои Тоҷикистон ва факултети механика-математикаи Донишгоҳи давлатии шаҳри Киев алоқаи мустаҳкам дорад ва ҳамкорӣ менамояд..