Осорхона

Осорхона ҳамчун муассисаи маърифатӣ-фарҳангӣ дар ҳаёти фарҳангии кишварамон дар бобати ҷамъоварӣ, ҳифз ва ташвиқу таблиғи мероси ниёгон нақши назаррас дорад. Ҳукумати Ҷумҳурии Тоҷикистон баҳри рушду нумӯи фарҳанги кишварамон аҳамияти ҷиддӣ медиҳад. Қобили зикр аст, ки Асосгузори сулҳу Ваҳдати миллӣ, Президенти Ҷумҳурии Тоҷикистон муҳтарам, Эмомалӣ Раҳмон чунин нуқтаро иброз доштанд: «Яке аз паҳлуҳои муҳими сиёсати фарҳангии Ҳукумати Тоҷикистон ин рушду нумӯъ ва пешбурди фарҳанги миллӣ, шинос намудани ҷаҳониён бо дастовардҳои тоҷикон дар ин ҷода мебошад».

7-уми  марти  соли 1980   фармони    раёсати   донишгоҳ оид ба ташкили   осорхона   ба  имзо  расид, ки  тибқи    он  хайати   корӣ  таҳти   сарварии   ноиби   ректор  оид  ба  илм  Эшонов И.Э, аъзо,   Холҷӯраев Ҳ.Ҳ.,  Мадаминов А.А.    таъсис  ёфт. Дар  ташкили  осорхона  саҳми  ректори   ҳамонвақтаи  донишгоҳ  академик, Юсуфбеков Х.Ю.,  ноиби  ректор  оид  ба  корҳои   таълим   Ризоев А.Б., директори  намоишгоҳои   комёбиҳои  хочагии  халқи  ҷумҳурӣ, Раҳматзода У.Қ,  раиси  иттифоқи  касаба,  Маҳмадкаримов М, расоми  НКХХ  Ватага А. ва  дигарон   назаррас аст.

Осорхона 4 - уми марти соли 1982 ба фаъолият оғоз намудааст. Асоси таъсиси осорхона ин таърихи донишгоҳ ва нигораҳои ҷамъовардаи олимон ва устодони донишгоҳ мебошад. Ҳар як гӯшаи осорхона аз таърихи ин дарбори илму маърифат шаҳодат медиҳад.

Сарварии осорхонаи донишгоҳро Ғозиев Хоралӣ (1987 – 2003), Тешаева Дилором Бобомуродовна (2003 – 2005), Амиршоев Ҷумахон Сайфуллоевич (2005 – 2009), Зокиров Хуҷадат (2009 – 2014), Сатторова Биҳанифа Абдуқодировна (2014 – 2017), Шомамадова Заррагул Муллодавлатовна (2017 – 2018, 2020-2022), Сайдалиев Мирзовалӣ Бозорович (2018 – 2020) ба уҳда доштанд. Аз соли 2022 то ҳол ин вазифаро Қурбонова Мавзуна Туйчиевна ба уҳда дорад.